Sobre Nos
|
Fins Sociais
Considerando a saúde como un proceso dinámico que vai máis aló da ausencia de enfermidade, e partindo da premisa da OMS “saúde para todos”, e as súas metas da estratexia rexional europea, adaptadas ao contexto galego actual, pretendemos como obxectivo clave, alcanzar o máximo estado de saúde posíbel para todos os cidadáns que lles permita levar unha vida social e económica máis satisfactoria, incidindo na participación comunitaria, cara a incrementar a información, a formación e a autonomía en materia de coidados e saúde dos cidadáns de Galicia. Co instrumento da EpS pretendemos FAVORECER ENTRE OS CIDADÁNS GALEGOS A ADOPCIÓN DUN ESTILO DE VIDA MÁIS SAN E ECOLÓXICO e, como consecuencia, un mellor benestar e calidade de vida presente e futura, enmarcado nunha concepción holística e biopsicosocial da saúde do ser humano, na defensa da biodiversidade do ecosistema e da sostenibilidade do planeta Terra. Obxetivos e Actividades Principios básicos Desenvolver actividades de información, comunicación e formación, en medios propios e alleos, mediante prensa escrita, audiovisual e na rede, dirixidos tanto ós asociados como á cidadanía en xeral. Continuar a elaborar e editar o Boletín informativo e educativo, en formato escrito e dixital, dirixido ós asociados e ós cidadáns da Comunidade Autónoma, e un sitio web bilingüe, ambos baixo a cabeceira de “CANTEIRA DE SAÚDE”. Fomentar actividades para profesionais, en materia de EpS e formación sanitaria dirixidas á comunidade, cara a promoción da saúde, a prevención das enfermidades, favorecer a curación e a reabilitación e fomentar os auto-coidados. Tentar dinamizar un espazo propio de encontro entre os diversos colectivos cidadáns que forman a sociedade galega e, en especial, no medio laboral,escolar e universitario; organizando actos e actividades cara desenvolver progresivamente unha Escola de Saúde aberta, dinámica e participativa. Impulsar estudos e investigacións entre educadores, pedagogos, profesionais socio-sanitarios, profesionais e científicos en xeral, que favorezan a saúde. Deseñar e executar actividades para o fomento da participación comunitaria de veciños e colectivos cidadáns en materia de información sanitaria. Impulsar as relacións e convenios de colaboración con outros axentes sociais, Administración Pública, empresas públicas e privadas e organizacións sen ánimo de lucro, que permitan un mellor cumprimento da súa meta fundacional. Contribuír á divulgación das actividades relacionadas coas metas da nosa Sociedade. Na defensa da biodiversidade do ecosistema e da sostenibilidade do planeta Terra. Tipos de Socios
|
